Вести Македонија

До крајот на годинава Македонија ќе почне да извезува вина со заштитено географско потекло под ознаката повардарски”. Оваа географска ознака што е веќе дефинирана, најпрво треба да се регистрира во земјава, а потоа и во ЕУ.

Ефикасноста во користење на ИПАРД е релативно ниска најмногу поради недоволната информираност и анимираност на потенцијалните корисници, обемната и комплицирана документација, неусогласеност на националното со законодавството на ЕУ.

Со 15 милиони евра преку новата ИПАРД програма ќе се финансираат проекти во туризмот, занаетчиството, алтернативното земјоделство, угостителството,… во руралните средини, со што ќе се отворат нови работни места, информира денеска на прес-конференција владиниот портпарол Александар Ѓорѓиев.

Агенцијата за финансирање на земјоделскиот и руралниот развој неделава ќе распише оглас за кофинансирање проекти од ИПАРД програмата за земјоделски и проекти од областа на руралниот развој.

Со врачување решенија на првите две земјоделски задруги  во Македонија регистрирани според новиот Закон за задругарство од страна на заменик министерот за земјоделство, шумарство и водостопанство Зоран Коњановски денеска во Струмица беше одбележан 7 Јули, Светскиот ден на земјоделските задруги.

Мелничарите и производителите денеска, на средба во Свети Николе, ја договорија откупната цена за годинашната пченица, 13 денари ќе чини килограм втора класа, 14 денари ќе се плаќаат за прва, а 15 денари за екстра класа.

Србија бара итна седница на заедничкиот комитет на ЦЕФТА, бидејќи со одлуката за врзан откуп на пченица во Македонија се прекршува договорот.

Во координација со повеќе институции Министерството за економија од вчера почна засилена контрола на сите зелени пазари во Македонија. Акцијата ќе трае наредните 10 дена.

Жетвата на лебното жито во велешко почна. Земјоделците велат дека годината е родна, меѓутоа, цената од 10 денари што им ја понудиле мелничарите за килограм пченица, не само што е ниска, туку е и понижувачка.

Русите бараат неограничени количества праски од Росоманско, плаќаат однапред и за родот и за транспортот. Извозот на околу 90 проценти, без проблеми, оди во Русија, а се извезува и во Полска и во други европски земји.