Во ООУ „Блаже Конески“ во Прилеп денеска ќе биде одбележан „Денот на јаболкото“, во рамки на кампањата „Здрава храна за детство без мана“, која се одвива под покровителство на Маја Иванова, сопруга на претседателот на Република Македонија.

Во кумановското село Режановце во сабота ќе се оддржи манифестацијата „Празијада 2012“ преку која ќе се промовира празот како градинарска култура карактеристична за овој регион.

Ќе се укинува владината мерка за условен увоз на брашно со откуп на домашна пченица. Според министерот за земјоделство, Љупчо Димовски, за ова е дискутирано во Владата откако биле изнесени и образложени сите аргументи за состојбата во мелничката индустрија.

Само 9 проценти од домашното млеко ги задоволува европските стандарди за квалитет, а таа состојба  треба да се промени за седум години преку стратегијата што ја подготви Министерството за земјоделство.

Советот за земјоделство и рурален развој денеска ќе заседава во Министерството за земјоделство, шумарство и водостопанство.

Во рамки на саемската манифестација „Агрофуд“, федерацијата на фармери денеска организира трибина на тема „Измените на Законот за регистрацијата и легализација на тракторите“.

Заменик министерот за земјоделство, шумарство и водостопанство Зоран Коњановски денеска ќе ја посети општина Пробиштип. Во рамки на посетата што е дел од проектот „Отворени денови низ Македонија“, Коњановски ќе има средба со земјоделците во селата Пишица и Стрмош.

Во близина на штипската Дестилерија прегазен е чакал, диво животно кое веќе 50 години не е забележано во Македонија од страна на ловџиите и сточарите.

Во организација на општина Чашка и ООУ „Лирија“ денеска во селото Горно Јаболчиште се одржа манифестацијата „Компиријада 2012‘‘.

Иако во Пелагонија последниве две години е преполовено производството на сурово млеко, Живко Радевски вели дека подготовките за отворање се во завршна фаза, а во тек е набавка на опрема.