Во светот се произведуваат скоро милијарда тони добиточна храна

Резултати од истражувањето на Alltech во областа на добиточната хранa, светското производство се зголемило на 950 милиони тони. Значаен раст е забележан во Африка и во областа на аквакултурата.

Во светски рамки се произведуваат 959 милиони тони добиточна храна и производството се зголемило за најмалку 4 % од минатата година покажуваат резултатите од истражувањето  GlobalFeed Tonnage Survey кое го спроведе и објави Alltech. Истражувањето било спроведено во 134 земји во светот во текот на декември 2012, со информации добиени во соработка со локалните здруженија на земјоделци и тимот за продажба на Alltech.

“ Публикацијата е објавена како статистичка информација за оваа индустрија која е корисна за новата календарска година и се надеваме дека ќе им овозможи на владите, невладините организации и пошироката јавност повеќе да го ценат доприносот  од оваа индустриска гранка во светот” – вели Ејдан Коноли, заменик претседател на Alltech и директор на ова истражување.

Меѓу 134те земји во кои е спроведено ова истражување, Кина повторно се покажала како најголем произведувач на добиточна храна со 191 милион тони и околу 10.000 фабрики за добиточна храна. На второ и трето место се наоѓаат САД и Бразил со 179 милиони тони од 5.251 фабрика, односно 66 милиони тони произведени во 1,237 фабрики за добиточна храна.

Азија е и понатаму светски регион број еден со производство од 350 милиони тони, но Африка бележи најбрз раст за скоро 15 %, од 47 милиони тони во 2011 на 54 милиони тони во 2012 година.

Кога би анализирале по видови:

Живинарството продолжува да доминира со застапеност од 43 %  односно 411 милиони тони и бележи раст од 8 %. Шеесет проценти од оваа добиточна храна е наменета за бројлери, а остатокот за кокошки несилки, мисирки, патки и друга живина.

Во секторот храна за свињи се забележува раст од 8% и изнесува 218 милиони тони глобално.

   Пазарот за сточна храна за преживари, вклучувајќи говеда и мали преживари е зголемен за повеќе од  13 отсто во период помеѓу крај на 2011 и декември 2012 година и изнесува 254 милиони тони.

Сточната храна за коњи е зголемена за скоро 17 % и изнесува 10,8 милиони тони. Аквакултурата е најбрзо растечки сектор која се зголемила за повеќе од 55% од 2011 година. Храната за домашни миленичиња се произведува во количина од 20,5 милиони тони, 40% е произведена во САД, иако Бразил бележи најзначаен напредок во овој сектор.

“Ако ги гледаме потребите во иднина, пред се да се прехранат 9 милијарди луѓе до 2050 година, резултатите од ова истражување би требало да внесат оптимизам во прехранбената индустрија и индустријата за сточна храна” изјави д-р Пирс Лајонс, претседател на Alltech.