Русија го забранува увозот на мисиркино месо од САД

Русија пред три дена вовела забрана за увоз на мисиркино месо од САД поради користење на хормонот за раст рактопамин соопштила  руската федерална служба за ветеринарен и фитосанитарен надзор. Користењето на хормонот рактопамин во Русија е забрането.

Во Русија од 4ти февруари на сила е ограничување на увозот од САД на замрзнато свинско и говедско месо, готови месни производи, како и производи од внатрешни органи и нус производи од свињи и крупен добиток исто така поради користење на рактопамин. Од забраната е исклучено само пилешкото месо пренесува Finmarket.ru.

Спрема податоците од службата за надзор меѓу земјите од кои Русија увезува месо, рактопамин освен во САД активно се користи и во Канада, Мексико и Бразил. Меѓутоа увозот од овие земји не е прекинат бидејќи го прифатиле барањето од Русија, секој производ да има документ кој потврдува дека нема присуство на рактопамин.

САД и покрај  барањата не доставиле гаранција дека тој хормон не е користен во производите од животинско потекло пренесува Finmarket.ru.