Сковин ги исплати обврските кон лозарите пред истекот на законскиот рок

Во нашата редакција пристигна допис од една од најголемите винарски визби во Македонија – Сковин, која што е една од ретките во Македонија кои ги исплатија во целост обврските кон лозарите за бербата во 2012. Ви го прикажуваме дописот во целост.

Најголемиот откупувач на грозје во Македонија и годинава ја зацврстува соработката со лозарите 

СКОВИН ГО ИСПЛАТИ ГРОЗЈЕТО ЗА БЕРБАТА ВО 2012 

Винарската визба Сковин денес целосно ги исплати обврските кон лозарите за 2012 година, како и минатата годинa пред истекот на законскиот рок. 

Сковин оваа година обработи рекордни 18.5 милиони килограми грозје, од кои откупи 15,5 милиони килограми грозје од откупни центри, производители и физички лица, со што стана најголем откупувач на грозје во Македонија. Останатите 3 милиони кг грозје Сковин го обезбеди од сопствени лозови насади. 

При средбата со лозарите, извршната директорка Марија Митева изјави: “Сковин останува доследен на својата деловна политика за регулирање на преземените обврски и почитување на временските рокови кон сите свои деловни соработници и кооперанти. Деловна политика на Сковин е да ги почитува роковите за да им овозможи на кооперантите да вложуваат во зголемување на производството и неговиот квалитет. Добрите односи со лозарите се наш највисок приоритет. Квалитетот на нашиот производ директно зависи од квалитетот на нивниот. Затоа, не можеме да дозволиме негата на лозјата и насадите да зависи од исплатата на долговите. Свесни сме за комплицираните должнички односи во нашата локална економија и сакавме со предвремената исплата да им помогнеме на нашите соработници. Сковин не може да расте без растот на своите соработници. Затоа толку многу и инвестираме во нашите добри односи.”

И оваа година, како и претходните, Сковин ги почитуваше препораките на Владата во врска со цените на исплата на грозјето, а воедно и роковите на исплата на лозарите, па предвремено и соодветно на законот за земјоделство и рурален развој го исплати откупеното грозје