Основан првиот меѓународен форум на производители на чај

Земјите што се светски лидери во одгледување билки за чај го основале првиот меѓународен форум за овој производ да стане најпопуларна напивка и да му обезбедат стабилност на неговата цена и производство.

Меѓународниот форум на производители на чај го основале државите Индија, Kенија, Индонезија, Малави, Руанда и Шри Ланка, шесте најголеми одгледувачи на чај во кои се произведува 80 отсто од црниот чај во светот. Претставниците на овие земји се сретнале во средата во главниот град на Шри Ланка, Kоломбо. Министерската за плантажи на Шри Ланка, Махинда Самарсаинге изјавила дека произведувачите и потрошувачите ширум светот ќе имаат корист од функционирањето на форумот. Не се знае од кога се користи чајот, а првите запишани податоци потекнуваат од Kина од 10 век пр.н.е. Седум века подоцна станува стандардна напивка и од Kина се проширува во Kореја, Јапонија и во Виетнам.

Чајот во Европа е увезен дури во 16 век благодарејќи на експанзионистичките освојувања на Португалија и оттогаш е усвоен и зборот „ча“ односно чај. Подоцна во 18 век почнува мешањето на листовите од чај со други ароматични билки како јасминот.

Извор: dnevnik.mk