агри.мк Портал за промоција, развој и поттикнување на земјоделството во Македонија
Киселата зелка освен што оди одлично со чашка ракија во зимските месеци, таа е и извор на многу витамини.
Киселата зелка е освежителна нискокалорична храна која е одлична за конзумирање во зима. Содржи многу витамин Ц, минерали и други соединенија кои го чуваат Вашето здравје. Зелката штити од вирусни инфекции, грип и други загрозувачи на здравјето кои демнат во зимскиот период.
Само една чаша расол ќе ги надополни витамините кои ви недостасуваат за целиот ден. Киселата зелка е многу ценета од познавачите на народната медицина бидејќи содржи многу антиоксиданси а добра е за имунитетот и дигестивниот систем. Ги содржи скоро сите витамини, па можеме да кажеме дека ако ја конзумирате редовно сигурно нема да имате проблем со витамините во текот на целата зима.
Многу е важно зелката да е природна и да не е одгледувана со додавање на разни хемиски препарати.
Сега е сезоната која претстои за да ја конзервирате и вие вашата зелка. Немојте да се двоумите дали да го направите тоа, бидејќи со ставањето на кисела зелка ќе му подарите здравје на Вашиот организам во текот на целата зима.
