агри.мк Портал за промоција, развој и поттикнување на земјоделството во Македонија
Фотографиите, кои беа објавени вчера во германските медиуми, прикажуваат кокошки кои се чуваат една до друга во метални кафези, а на повеќето од нив им недостигаат пердуви и се прекриени со рани. Доколку обвинувањата се покажат како точни, ова ќе претставува измама од висок ранг – изјави германскиот министер за потрошувачи, Илсе Аигнер.
Германските власти спроведоа истраги во 200 живинарски фарми, кои се обвинети дека продале милиони јајца и други производи етикетирани како органски, иако биле произведени на конвенционален начин.
Овој скандал беше на насловните страници на сите вчерашни весници во Германија и доаѓа неколку недели по откривањето на коњското месо во смрзнати јадења, кои се етикетирани како телешко во повеќе европски земји, јави ДПА.
Според германските регулативи, јајцата можат да бидат етикетирани како “био” или органски, доколку потекнуваат од кокошки кои се чуваат во специфични услови и не се хранат со антибиотици, хемиски и генетски модифицирани состојки.
Фотографиите, објавени од една група за заштита на животни, кои беа објавени вчера во германските медиуми, прикажуваат кокошки кои се чуваат една до друга во метални кафези, а на повеќето од нив им недостигаат пердуви и се прекриени со рани.
Неделникот “Шпигел”, кој го разоткри скандалот пишува дека се спроведени истраги во околу 150 фарми во Долна Саксонија и 50 во други германски сојузни држави, но и во Белгија и Холандија.
– Доколку обвинувањата се покажат како точни, ова ќе претставува измама од висок ранг – измама против потрошувачите и против многуте чесни германски органски фармери, изјави германскиот министер за потрошувачи Илсе Аигнер.
Извор: vecer.com.mk
