агри.мк Портал за промоција, развој и поттикнување на земјоделството во Македонија
Најголемата домашна млекарска индустрија БиМилк утре од 11 до 13 часот ќе ги отвори вратите за сите оние што се заинтересирани да дојдат во посета. Истиот ден Битолската млекара ќе ја посетат и холандскиот амбасадор и германскиот заменик-амбасадор.
Покрај светскиот ден на квалитет, мотив за нивната посета е и увозот на нови 130 висококвалитетни јуници со германско потекло.
-Како општествено одговорна компанија, која произведува квалитетни и безбедни производи, сакаме да им овозможиме на граѓаните директно да се запознаат и информираат за процесите на производство на познатите БиМилк млечни производи. Посетителите ќе имаат можност да се запознаат со условите на производство, каде годишно се преработуваат над 65 милиони литри млеко, како и да бидат информирани за современата и софистицирана технологија која овозможува БиМилк во континуитет да произведува повеќе од 55 различни производи – велат од БиМилк. Роко Водопија, генерален менаџер на Млекара Битола вели дека во БиМилк постои целосно автоматизиран процес на производство.
-Од обезбедените лактофризети, млекото директно се пренесува во производните погони, дополнително се прават контроли во повеќе фази. БиМилк ефективно ги имплементира и применува Хасап стандардите, го има добиено највисокиот ИСО 22.000 стандард за безбедност на производот, кој го вклучува и ИСО 9.001 стандардот, сертификатот ИСО 14.000 и имплементација на ИФС-системот, а одржувањето на високиот квалитет на производите и понатаму ќе биде основна цел на сите понатамошни инвестициони активност – изјави Водопија.
Извор: http://vecer.com.mk/?ItemID=C7FBB435D8E1DC48818C11BE13860691
