агри.мк Портал за промоција, развој и поттикнување на земјоделството во Македонија
Околу 70 отсто од маслиновото масло што се продава на албанските пазари се фалсификувани и претставуваат опасност за здравјето на потрошувачите.
На ова предупредија неколку компании за производство и увоз на маслиново масло на средбата со директорот на Националната агенција за храна на Албанија. Тие бараат зајакнување на контролата и за домашните производи и за тие од увоз.
– Станува збор за еден див пазар, кој не е организиран според потребните стандарди. Според нашите процени, 60 до 70 отсто од маслиновото масло на албанските пазари е фалисификат – смета Валентина Постоли од Сојузот на производители на маслиново масло.
Директорот на националната агенција за храна, Африм Бакај, најави ригорозни мерки со кривични пријави.
– Одлучни сме да не толерираме никого, ќе поднесуваме кривични пријави за тие што не го почитуваат законот, кои шверцуваат или произведуваат продукти што се закана за безбедноста во исхраната – најави Бакај.
Ова предупредување секако важи и за македонските граѓани, кои често патуваат во Албанија, при што често купуваат маслиново масло. Го има во сите трговски дуќани, но и на тезги по пазарите, на улица, па дури и по патиштата. Еден литар чисто маслиново масло чини 400 денари, а ако има цена од 220-240 денари, јасно е дека е фалсификат.
Извор: dnevnik.mk
