Почетна / Лозарство и овоштарство / Дегустација на Вранец веритас на Стоби

Дегустација на Вранец веритас на Стоби

Винаријата “Стоби” во соработка со Македонската амбасада во Кралството Холандија на Саемот Персвејн во Хаг, претстави свои 13 сорти на вино, меѓу кои и Вранец веритас, што беше дел од специјалната дегустација за Мастерклас.

– Винарија “Стоби” од своето постоење па до денес се движи во насока на презентирање на своите вина, а со тоа и на македонското вино, на странските пазари. Овој пат, го издвоивме Вранец веритас одлежано во барик како врвно премиум вино за претставување пред потрошувачите и потенцијалните дистрибутери – изјави Јадранка Клариќ Кимовска, комерцијален директор на Винарија “Стоби”.

Овој настан е поддржан од Македонската амбасада во Холандија, а наменет за презентација на македонското вино во Кралството. Додека трае саемот, вината ќе бидат изложени пред потрошувачите, љубителите на вино, но и пред увозниците, дистрибутерите и претставниците од ХоРеКа сегментот во Холандија.

Покрај специјалната дегустација на Вранец веритас на настанот во Хаг беа претставени и други 13 сорти од Винарија “Стоби”, меѓу кои Пино ноар, Мерло, Каберне совињон, Аминта, Вранец, Шардоне барик, Стоби куве, Мускат отонел, Ркацители, Ризлинг, Жилавка и Розе алегро.
Покрај Винарија “Стоби” на Персвејн во Хаг учествуваа уште 10 други винарии од Македонија. По настанот во Хаг, Винарија “Стоби” го презентира Вранец Веритас во Варшава, Полска.

Извор: http://vecer.com.mk/?ItemID=373BA06DEEAFF34DAD2838BB31C31CB1

Check Also

Македонски вина претставени во Канадa

Македонски вина од винаријата „Далвина“ викендов беа претставени на традиционалниот меѓународен вински фестивал ,,Gourmet food&Wine …