агри.мк Портал за промоција, развој и поттикнување на земјоделството во Македонија
Кривопаланечката кланица со ладилник на поранешната З.З..Малинаа, како што информира градоначалникот на Крива Паланка Арсенчо Алексовски, преку Агенцијата за странски инвестиции ќе ја преземе странската пакистанска групација Џонсонс и Филипс АГРОО.
До 14 декември годинава, кога ќе дојдат и претставниците од Пакистан, потребни се средување на односите со ИПАР-Касе банката како доверител, потоа купување на земјиштето, заведување во Катастарот на недвижности во Крива Паланка и решавање на законските регулативи околу статусот на странски инвестиции.
Како што истакна Алексовски, во овој случај ќе се рестартира кланицата со ладилник и доградба на уште два погони за производство на месо и месни продукти, како и преработка на овошје и зеленчук. Во таа насока, посочи Алексовски, ќе се развијат и кооперантските односи на производство при што инвеститорот на идните кооперанти ќе им обезбедува добиток (ситен и крупен), како и обезбедување на храна, а потоа при примопредавањето на стоката ќе се рефундираат и остварените добивки на индивидуалните земјоделски производители или претпријатија.
Се работи за значајна инвестиција која ќе го развие земјоделското и сточарското производство во овој рурален крај, а за почеток ќе се вработат од 50 до 60 лица и ќе бидат запазени ХАСАП системот и ХАЛАЛ системот за исламските земји.
Извор: http://vecer.com.mk/?ItemID=92DAA031AB12AC458C2A93BBB61DA383
