За говедарите и градинарите 100,7 милиони денари субвенции

Министерството за финансии вчера исплати 100,7 милиони денари (1,6 милиони евра) на 4.583 земјоделци по основ субвенции за обележани грла говеда и обработена површина за градинарско производство.

За обележани грла говеда на 2.726 земјоделци им се исплатени 60,4 милиони денари. Мерката изнесува 2.800 денари по обележано грло говедо. На 2.127 земјоделци за обработена површина за градинарско производство на отворено и под пластеници им се исплатени 40,3 милиони денари. Мерката изнесува 20.000 до 30.000 денари по хектар обработена површина, во зависност од културата која се одгледува.

Извор: vecer.com.mk