Винаријата Тиквеш” го пробива македонското вино на скандинавскиот пазар. Како што вели генералниот директор на ВВ Тиквеш”, Игор Илиевски, 80.000 шишиња од категоријата висококвалитетни вина Вранец спешл селекшнн од бербата 2011, ќе извезат во Данска.
– Ги испорачавме првите количини во 48 специјализирани продавници на увозникот Хансенн, како и низ рестораните во Данска. Ова е одлична вест за заокружување на годината што изминува. Задоволството е уште поголемо бидејќи со најновата извозна зделка се потврдува стратегијата и определбата на Тиквешш за што поагресивен настап и промоција на извозот – истакна Илиевски кој изрази задоволство од остварениот извоз оваа година кој е повисок за 30% во однос на лани.
Тој е оптимист дека и покрај сите предвидувања за тешка година, дека 2013 ќе биде сепак умерено позитивна.
– И покрај сите најави од евро-зоната, преку регионот до Македонија дека 2013 ќе биде исклучително тешка ние сме убедени во спротивното, дека можеме да бидеме умерено позитивни во очекувањата – рече Илиевски.
Увозникот на вината од Тиквешш во Данска, компанијата Хансенн виното Вранецц од серијата Спешл селекшнн го прогласи за вино на годината и е позициониран во винските листи заедно со некои од најпознатите француски, италијански, португалски, австралиски и американски вина.
Зацврстување на позициите на актуелните извозни пазари, таргетирање и освојување нови, како и продолжување на инвестициите во македонската винска култура, остануваат главни определби на винарската визба Тиквешш. (С.Бл.)
Извор: http://vecer.com.mk/?ItemID=5DB13A4139970542BC94810B6E658FF7