агри.мк Портал за промоција, развој и поттикнување на земјоделството во Македонија
Најубавиот месец од годината, мај, полека станува асоцијација за фестивалот на виното кој веќе втора година по ред ќе се одржи под отворено небо пред Веро центарот.
Од 8 до 12 мај посетителите ќе имаат можност на едно место да се запознаат со вкусовите на домашните вина, да дегустираат и уживаат во овој пет дневен фестивал посветен на виното, храната и музиката.
Иако минатата година овој фестивал го имаше дебитантското искуство и за прв пат јавноста имаше можност да го посети, се покажа како вистински погодок, бидејќи побуди голем интерес, а ние се потрудивме да овозможиме одлична атмосфера вредна дружењето и оваа година да го повториме. Успеавме на едно место да собереме дури 10 домашни производители на вина, а за уживањето да биде комплетно поканивме 4 различни производители на сирења и сувомеснатите производи. Очекуваме и оваа година заедно со сите љубители на доброто вино да бидеме дел од овој фестивал на уживањетоо – изјави генералниот директор на Веро, Костас Теодосијадис.
Покрај можноста да се запознаете и да ги дегустирате вкусовите на сите домашни винарници за атмосфера да биде комплетна ќе се погрижат и бројните актуелни музички бендови кои ќе имаат свои настапи: Нокаут, Тони Китановски и Черкези, Фолтин, Чалгии, Аир Стрингс, Пеперминт и многу други се само дел од музичката програма замислена специјално да го надополни овој хедонистички фестивал кој ќе му овозможи на Скопје уживање за сите сетила. А во недела, на 12ти мај ексклузивно настапува новосадската акустична сензација – Фрајле!
