агри.мк Портал за промоција, развој и поттикнување на земјоделството во Македонија
– Агенцијата за храна и ветеринарство на Република Македонија, при контрола на храната од увоз на граничните премини, утврди зголемена концентрација на тешки метали над дозволените граници пропишани со Правилникот за општите барања за безбедност на храната-стои објавено на интернет страницата на Агенцијата.
Се работи за пет пратки со пченица со вкупна тежина од 330.220 килограми, по потекло од Република Србија, набавени од два различни добавувачи.
Согласно законските процедури, целокупната количина на сомнителната пченица се наоѓа под надзор на Агенцијата за храна и ветеринарство на местото на истовар, и за истите е издадено соодветно Решение за забрана за пуштање во промет. Бидејќи од страна на увозниците е побарано дополнително лабораториско испитување (суперанализа), согласно утврдената процедура испратени се мострите од сите пет пратки.
По добивање на резултатите од дополнителното лабораториско испитување, Агенцијата ќе постапи во согласност со законските прописи.
Извор: dnevnik.mk
