агри.мк Портал за промоција, развој и поттикнување на земјоделството во Македонија
Стартуваше забраната за лов на пастрмка во Дебарското Езеро и во Радика и истата ќе трае до 31 јануари наредната година. Тоа поради нејзиното мрестење.
-Одлуката е донесена врз основа на Законот за рибарство. Во овој период строго е забрането ловење на овој вид риба и против оние кои нема да ја почитуваат оваа одлука ќе се превземаат законски мерки, – изјави Лири Делиши, Началник на дебарската подрачната единица на Министертвото за земјоделство, шумарство и водостопанство.
Според Делиши за време на ловостојот на пастрмката ќе има зголемена контрола на езерото од страна на надлежните институции.
Во овој период ни концесионерот ЗЗ„ Охридска пастрмка“ не може да врши порибување без претходно да добие специјална дозвола за тоа од ресорното министертво. Треба да се нагласи дека и концесионерот ја засили рибочуварската служба со цел заштита на пастрмката од нелегално ловење и заштита на приордниот мрест на истата. Поради нејзината постојана пристност на терен во последните неколку месеци, рибокрадците кои беа постојано присустни на езерото ги снема. (В.Т.)
Извор: http://dnevnik.mk/default.asp?ItemID=09575CA57EAF21419F6994570468F91F
