Легализацијата на земјоделски објекти се пролонгира за една година

Пролонгирање на законскиот рок за легализација на земјоделски објекти за уште една година, најави заменик министерот за земјоделство Зоран Коњановски .

– Со цел да им излеземе во пресрет на сите земјоделци и стопанственици, кои од една или друга причина во минатото изградиле бесправни објекти, Владата на предлог од Министерството за земјоделство, шумарство и водостопанство донесе измена во Законот за легализација на земјоделски објекти, штали и оранжерии и изврши пролонгирање на законскиот рок за уште една година. Во изминатиот период, според податоците од нашето Министерство, се поднесени вкупно 80 барања за легализација, од нив на 35 позитивно им е одговорено и сопствениците добија тапија за своите објекти, истакна заменик-министерот Коњановски. Надлежната комисија од Министерството за земјоделство, шумарство и водостопанство по летните одмори ќе излезе на терен и ќе ги разгледа останатите 45 барања за легализација.

Извор: vecer.com.mk