агри.мк Портал за промоција, развој и поттикнување на земјоделството во Македонија
Охридскиот вид домат, познатиот „Охридски јабучар“, веќе одамна е исчезнат од домашните трпези, но сепак во дворот на охриѓанецот Борис Ѓорѓиоски, овие денови созреа џиновски домат од оваа сорта, тежок безмалку еден килограм, пренесува ohridnews.com.
Тој вели дека доматот е потполно еколошки израснат, додека на истиот корен имаше уште шест домати слични на него, помали за некои 100 грама.
Борис потенцира дека доматот воопшто не е прскан со пестициди или други заштитни средства, кои содржат хемикалии и можат да наштетат по човековото здравје.
-Не е израснат ниту со вештачко ѓубриво. Единствено е прихранет и испрскан против штетници со чај од варени коприви, а наводнувањето е со системот капка по капка со изворска или отстоена вода, која воопшто не содржи хлор, потенцира Ѓорѓиоски за ohridnews.com.
Тајната за овој џиновски и вкусен домат, како што објаснува охриѓанецот, се состои во навременото прскање со препаратот од коприва и навремено наводнување.
Извор: kurir.mk
