агри.мк Портал за промоција, развој и поттикнување на земјоделството во Македонија
Подвижната канцеларија на Министерството за земјоделство, шумарство и водостопанство денеска пристигна во Кавадарци.
Вработени во Подрачната служба на Министерството со посебно дизајнираното комбе ќе ги посетат и најоддалечените села во кавадаречката и росоманската општина за да им одговорат на жителите на сите прашања од областа на земјоделството.
– Подвижната канцеларија најпрво ќе го опфати планинскиот дел од општината, Рожден и останатите села на Бошавијата. Најверојатно во јануари ќе ги посети низинските села во Кавадаречко и Росоманско. Наши вработени им стојат на располагање на земјоделците за прашања поврзани со субвенциите, легализацијата на тракторите, дивоизградените објекти на земјоделските имоти,…, изјави Зоран Шалев, раководител на Подрачната служба.
Тој информира и дека имаат директен линк со Министерството што ќе овозможи одговор на сите прашања да се добие веднаш.
Извор: http://www.kurir.mk/republika/opstini/94817-Ministerstvoto-za-zemjodelstvo-vo-Kavadarci-dobi-podvizna-kancelarija
