Почетна / Вести Македонија / Земјоделци башка ѓубрат за дома, башка за на пазар

Земјоделци башка ѓубрат за дома, башка за на пазар

Постојат сомневања дека има земјоделци што произведуваат храна и притоа имаат башка производство за сопствените потреби, а башка за на пазар.

Токму на земјоделските производи произведени на вториот начин, кои содржат повеќе пестициди, треба да им се стави крајот и да се убедат земјоделците дека здравата животна средина е многу важна за сите нас во синџирот на исхраната. Вака вели за „Дневник“ Роберто Паризов, претседател на кавадаречкото Здружение за заштита и унапредување на животната средина „Екоживот“.

– Народните приказни содржат многу мудрост. Во една од нив се говори како една лоша вдовица меси кравајче со отров за здодевниот бездомник, кој постојано бара храна. Случајно, од тоа кравајче подоцна каснува нејзиниот единствен син и умира. Така е и во нашиот случај. Земјоделците што ќе се обидат да направат малверзации при производството на, пример зеленчук, треба да знаат дека од тој што е наменет за на пазар може случајно да јаде нивен близок, на пример, кога е на гости – објаснува Паризов.

На нашето прашање за коментар на таквата појава, претседателот на Движењето на екологистите на Македонија, Ѓоко Зороски, од охридското еколошкото друштво „Грашница“ рече:

– Треба, пред с`, да работиме на терен. Тоа и го правиме, да бидеме со земјоделците бидејќи некои од нив с` уште не се свесни дека тоа што го произведуваат влегува во синџирот на исхрана што не е селективен. Загадувачите не познаваат граници или луѓе на позиција. Ние ќе бидеме на терен, а не во канцеларија – вели Зороски.

На средбата на членовите на Претседателството на Движењето на екологистите на Македонија од 11 града, која деновиве се одржа во Kавадарци, се разговараше за повеќе еколошки жешки точки во државата – загадување од индустриски капацитети, дива сеча, разни еколошки проблеми поврзани со водотеците и друго. Се бараа начини како да се решат таквите наталожени проблеми. Се потсети на велешкиот проблем со загадувањето, кој се провлекува во изминатите децении, со јаловиштето од топилницата, која за среќа не работи повеќе. Беше споменат и примерот „во Струмичко, каде што некои употребуваат прекумерни количини пестициди и минерални ѓубрива во земјоделското производство”. Се нагласи дека потребно е јакнење на свеста кај некои тамошни земјоделци. Во кавадаречкиот регион се спомна проблем со евентуално загадување со тешки метали. Проблеми има и на други места, без разлика дали со дива сеча или загаден воздух, кој се јавува во текот на зимата или повремено.

– Има и многу други проблеми што ги тиштат екологистите. Но, полека почнува да се решаваат – нагласи Зороски.

Направена е стратегија за решавање на проблемите. Екологистите од најстарото еколошко здружение во земјава се надеваат дека во најскоро време ќе извојуваат победа во битката против сите загадувања кои се од човечки фактор. Исто така се надеваат дека населението ќе биде поедуцирано за заштита на животната средина, која е најважен фактор за здрав живот. За решавање на еколошките проблеми потребни им се и пари.

Ненад Kоциќ, претседател на велешкото екодруштво „Вила Зора”, кажа дека Велес дише и веќе не живее на жабри.

– Воздухот и водата се во добра еколошка состојба, за жал единствено почвата ни остана загадена поради историското загадување и неможноста да се деконтаминира самата, како што тоа воздухот и водата го прават. Нашите активности се насочени сега токму тука, на подобрување на условите со почвата. Се надевам дека во догледно време и тоа ќе се реши – рече Kоциќ.

Тој нагласи дека нивните напори се насочени кон тоа да не се повтори неодговорноста од Велес во некој од другите градови во Македонија, кои се жешки еколошки точки.

– Да се има предвид дека луѓето имаат уставно право за живот во здрава еколошка средина. Будно се следи состојбата со жешките еколошки точки и нема да дозволиме да се повтори Велес ниту овде ниту на кое било друго место. Срамота е во 21 век да се немаат основни еколошки услови за живот – изјави Kоциќ.

Движењето на екологистите работи и на тоа да се привлечат нови членови.

Екоцентар на Kожуф

Во рамките на активностите на екологистите се планира формирање екоцентар на планината Kожуф во Kавадаречко, каде што би се држеле тренинзи и обуки. Учесниците би можеле да видат што значи недопрена природа наспроти загадените средини.

– Убавините и ресурсите, како и природните реткости во земјава би можеле да ги видат и странските екологисти што би дошле овде – рекоа екологистите.

Извор: dnevnik.mk

Check Also

„Денови на македонскиот мед 2015“

На улицата „Македонија“ во Скопје денеска ќе биде отворен фестивалот „Денови на македонскиот мед 2015“ …

6 comments

  1. 467039 355880An intriguing discussion is worth comment. Im positive that you basically write regarding this topic, may possibly possibly not be considered a taboo subject but typically persons are too little to communicate on such topics. To one more. Cheers 691378

  2. 296326 147779you make blogging glance 350569

  3. 132150 183252Usually I do not read article on blogs, however I wish to say that this write-up very forced me to check out and do so! Your writing taste has been amazed me. Thanks, very great post. 106464

  4. 35510 365021Interested in start up a online business on line denotes revealing your service also providers not only to humans within your town, nevertheless , to numerous future prospects which are cyberspace on many occasions. pays everyday 862608

  5. 666490 580155There is visibly a bunch to know about this. I believe you created various excellent points in attributes also. 314481

  6. 474650 365831Awesome material you fellas got these. I actually like the theme for the web site along with how you organized a person who. Its a marvelous job For certain i will come back and take a look at you out sometime. 87310

Leave a Reply

Your email address will not be published.