Почетна / Вести Македонија / За охридската пастрмка по 20 денари субвенција

За охридската пастрмка по 20 денари субвенција

Вкупно 35 милиони денари или околу 600 илјади евра субвенции ќе добијат субјектите што се занимаваат со рибарство и со аквакултура.

 

Јавниот повик е веќе објавен и ќе трае до крајот на овој месец. Од вкупните пари за субвенции, 15 милиони денари се планирани за произведена и продадена риба, а 20 милиони денари за произведен подмладок, односно матици за риба. Сите заинтересирани што сакаат да аплицираат треба да ги поднесат потребните документи до Агенцијата за финансиска поддршка на земјоделството и руралниот развој.

Владиниот портпарол Александар Ѓорѓиев информира дека со по 10 денари ќе се субвенционира секој килограм произведена и продадена риба од видовите виножитна пастрмка, поточна златовчица, крап, амур, сом и тостолобик, а со по 20 денари речната и охридската пастрмка.

– Поради поттикнување на конкуренцијата и поддршка на сите субјекти што постојат во овој сектор, ќе се задржи скалестото субвенционирање. Сите субјекти што поседуваат рибници во кои се произведува риба со капацитет до 25 илјади килограми ќе добијат 100 проценти од субвенцијата, рибниците со 25 до 50 илјади килограми ќе добијат 75 проценти од субвенцијата, рибниците од 50 до 100 илјади килограми ќе добијат 50 проценти, а оние што имаат рибници со над 100 илјади килограми ќе добијат 25 проценти од субвенцијата – појасни Ѓорѓиев.

Во однос на подмладокот, за чување риба-матица, финансиската поддршка ќе се исплаќа во висина од 600 денари од риба, со тоа што за видовите речна, виножитна и охридска пастрмка ќе се финансираат до 700 броја на произведена риба, за крапот ќе се финансираат најмногу – до 300 риби, а за другите видови до 50 произведени единици.

За набавениот производителен подмладок ќе се дава субвенција со која ќе се покријат 40 проценти од трошоците за набавка на подмладокот.

– Рокот е фиксен и тој нема да биде продолжуван и затоа апелираме субјектите навреме да аплицираат. Овие 35 милиони денари, кои Владата ги има издвоено како средства за поддршка, се добра сума, а субјектите имаат доста време за подготовка за да ги поднесат апликациите, да влезат во процедура и да се стекнат со можноста да ги добијат средствата што ги заслужиле и на тој начин да придонесат за развој на нивниот бизнис – нагласи Ѓорѓиев.

Извор: dnevnik.mk

Check Also

„Денови на македонскиот мед 2015“

На улицата „Македонија“ во Скопје денеска ќе биде отворен фестивалот „Денови на македонскиот мед 2015“ …

5 comments

  1. 532184 301352Great website, determined several something completely new! Subscribed RSS for later, aspire to see far more updates exactly like it. 91780

  2. 44478 318700Yay google is my king helped me to discover this great web site ! . 99265

  3. We provide Evening Desert Safari Abu Dhabi and Abu Dhabi Evening Desert safari Tour .

  4. 404743 376181I discovered your weblog website on google and verify a couple of of your early posts. Continue to sustain up the superb operate. I merely extra up your RSS feed to my MSN News Reader. Searching for forward to reading extra from you in a whilst! 918741

  5. Hiya! Quick question that’s totally off topic. Do you know how to make your site mobile friendly? My site looks weird when browsing from my iphone4. I’m trying to find a theme or plugin that might be able to resolve this problem. If you have any suggestions, please share. Thanks!

Leave a Reply

Your email address will not be published.