Почетна / Вести Македонија / Софтвер за електронско сметководство на фарма

Софтвер за електронско сметководство на фарма

Со софтвер за електронско водење сметководствена евиденција, Федерацијата на фармери на Македонија ќе им помогне на земјоделците полесно да се справуваат со предизвиците со кои се соочуваат во секојдневното управување на фармите.

Според петгодишната национална програма за развој на земјоделството и руралниот развој, од годинава земјоделците имаат обврска да почнат да ги применуваат основни принципи за добра земјоделска пракса, според која, треба да водат евиденција во растителното и сточарското производство.

– Сметководственото водење ќе има неколку предности. Прво како земјоделци ќе знаеме точно кои се слабите точки во нашето производство или во функционирањето на земјоделското производство. Податоците се важни за земјоделците за да знаат дали имаат добивки или загуби. Исто така преку овие податоци тие што сакаат да ни дадат пари без разлика дали тоа се банки или Владата, ќе знаат дали сме профитабилни и колку ќе можеме да ги вратиме средствата – изјави Андреја Секуловски од Федерацијата на фармери на Македонија.

Според извршниот директор на фирмата што го подготви софтверот „Даталаб“, Андреј Мертел, програмата на земјоделците ќе им овозможи соработка и со консултантските компании.

– Фармерите ќе ја работат својата работа, а податоците во исто време ќе ~ се прикажуваат на Федерацијата на фармери, која точно знае што треба да стори со тие податоци – појасни Мертел.

Федерацијата на фармери на Македонија во март потпиша меморандум за соработка со словенечката компанија „Даталаб“, чија софтверската програма во секојдневното работење ја користат над 30.000 корисници во Словенија, Србија, Хрватска, Босна и Херцеговина, Црна Гора, Бугарија и Албанија.

Извор: dnevnik.mk

Check Also

„Денови на македонскиот мед 2015“

На улицата „Македонија“ во Скопје денеска ќе биде отворен фестивалот „Денови на македонскиот мед 2015“ …

2 comments

  1. 89299 94736I truly enjoy examining on this website , it has good content . 776383

  2. 839375 453739An attention-grabbing dialogue is value comment. I believe that you need to have to write far more on this matter, it wont be a taboo subject nevertheless normally individuals are not sufficient to speak on such topics. Towards the next. Cheers 322537

Leave a Reply

Your email address will not be published.