Почетна / Вести Македонија / Пченицата ќе се откупува од 13 до 15 денари

Пченицата ќе се откупува од 13 до 15 денари

Мелничарите и производителите денеска, на средба во Свети Николе, ја договорија откупната цена за годинашната пченица, 13 денари ќе чини килограм втора класа, 14 денари ќе се плаќаат за прва, а 15 денари за екстра класа.

 

Двете страни, како што соопштија по состанокот, се задоволни од договореното.

Министерот за земјоделство, шумарство и водостопанство, Љупчо Димовски, кој присуствуваше на средбата, истакна дека Владата донела препорачана цена за откуп од 14 денари за килограм лебно зрно.

– Тоа е препорачана цена која што не обврзува никого, но добро би било да се применува. Во однос на цената со која започна жетвата и откупот имаме позитивен прогрес во зголемување на цената. Но земјоделците и мелничарите треба дополнително да се договорат, рече Димовски.

Претседателот на Асоцијацијата на земјоделци, Ефтим Шаклев истакна дека по неколкучасовните преговори со мелничарско-пекарскиот сектор е договорено по која цена ќе се откупува пченицата.

– До 76 хектарско литерска тежина цената ќе биде 13 денари, од 76 до 78 хектарско литерска тежина цената ќе изнесува 14 денари и над 78 хектарско литерска тежина цената ќе изнесува 15 денари. Сметаме дека е постигнат добар договор, а задоволни ќе бидат и земјоделците и мелничарите, рече Шаклев.

Тој забележа дека минатата година Македонија има увезено 44.000 тони брашно и околу 55.000 тони пченица, а оваа година до воведувањето на мерката за условен увоз на пченица и брашно се увезени 27.000 тони брашно. Димовски рече дека со оваа мерка треба да се заштити еден голем сектор, а тоа е мелничарско-пекарскиот.

– Ние имаме ситуација во која што треба да внимаваме на мелничкиот сектор, заради тоа што тој сектор е оној кој што треба да го изврши откупот на пченицата од домашно производство, рече Димовски.

Во моментов во Овчеполието и штипскиот регион во тек е жетвата на пченицата, а земјоделците велат дека годинава имаат добар и кавлитетен род.

Согласно разговорите, преработувачите треба на видно место да ја објават конечната цена по која ќе го откупуваат лебното жито.

Ова е шеста средба на мелничарите и земјоделците.

Годинава беа насеани 95.000 хекатри пченица. Од нив се очекуваат околу 280.000 тони род.  

Што се однесува за најавите  на Србија дека ќе го ограничи увозот на македонското вино и домати по стапувањето на сила од македонска страна за условен увоз на пченица и брашно од Србија, министерот Димовски истакна дека нашата Влада во јануари годинава ја има известено Србија за одлуката, која е донесена согласно и меѓународните правила.

– Ние немаме никаков проблем со ниту еден произведувач надвор од државата и секој кој што се гледа дека на било кој начин е засегнат, тоа е негово право. Одлуката е донесена врз основа на две основи, Закон за земјоделство и рурален развој во кој што Министерството, односно институциите се задолжени да го заштитат домашното производство и ние тоа го правиме. Второ врз основа на договорот со ЦЕФТА член 23 Б и 24 во случај на пореметување на пазарот во државата, институциите имаат право да воведат мерки со кој што ќе се спречи понатамошното влошување. Ние постапивме по тие два документи и за нашата постапка имаме сериозни аргументи. Не знам дали другата страна има такви аргументи, но ќе треба да ги објасни. Ние тоа и во писмена и усмена форма, а што е битно во писмена форма уште во почетокот на јануари ги доставивме до српската страна , рече Димовски.

Извор: dnevnik.mk

Check Also

„Денови на македонскиот мед 2015“

На улицата „Македонија“ во Скопје денеска ќе биде отворен фестивалот „Денови на македонскиот мед 2015“ …

4 comments

  1. 583276 436392Hi there! Do you use Twitter? Id like to follow you if that would be ok. Im undoubtedly enjoying your weblog and look forward to new posts. 41728

  2. 40561 17472I discovered your blog internet web site on bing and appearance several of your early posts. Preserve up the very good operate. I just now additional the RSS feed to my MSN News Reader. Seeking toward reading far much more on your part down the road! 586728

  3. 480283 291429This is excellent content. Youve loaded this with valuable, informative content that any reader can comprehend. I enjoy reading articles that are so extremely well-written. 532285

  4. 637887 893019so facebook recommended me the pages food and eating ,,, yeah Im obese|HasmAttack| 667403

Leave a Reply

Your email address will not be published.