Почетна / Вести Македонија / Околу 500 тони млад кромид заминаа за Хрватска

Околу 500 тони млад кромид заминаа за Хрватска

Србија и Kосово кои порано беа традиционални пазари веќе не се снабдуваат од ова село.


Младиот кромид од велешкото Башино Село веќе пет дена интензивно се откупува и завршува на пазарите во Хрватска. Околу 500 тони од овој раноградинарски производ се продадоа, при што дневно по два-три шлепери заминуваа кон оваа земја. Производителите се задоволни од цената и од досегашниот откуп.

– Се откупува по цена од 40 денари за килограм, што е на минатогодишно ниво. Задоволни сме што успеавме да пласираме дел од годинашново производство. Соработуваме со познати откупувачи и досега немало никаков проблем. Знаеме и за повисока цена, од 50 денари, но имало години кога се откупуваше и за помалку – по 20 денари за килограм – велат жителите на Башино Село, кое е најголемиот производител на млад кромид во земјава. Секое семејство од петстотините во селото се занимава токму со одгледување на оваа култура. Затоа и селото во овој период мириса на кромид. Се корне, чисти, врзува и се обработува. За разлика од македонските врзопи, кои се со по четири-пет кромитчиња, овие за Хрватска се поголеми, со по седум или осум. Производителите објаснуваат дека такви се барањата на тамошниот пазар.

И додека Хрватска остана верен купувач на младиот кромид од Башино Село, нема веќе пазар во Србија и во Kосово.

– Годиниве доаѓаа купувачи од Србија, но сега ги нема толку многу, не знаеме од каде се снабдуваат. Ниту Kосовците не купуваат, тие набавувале од Албанија. Во СФРЈ Башино Село ја снабдуваше цела земја, 22 милиона, но се смали пазарот – велат мештаните. Тие проценуваат дека третина од целото годинашно производство се извезува за Загреб. Производителите девет месеци работат за младиот кромид за во март и април да стигне на нашите и на странските трпези. Во одгледувањето, кое почнува уште во јуни, а завршува напролет, вклучени се цели семејства, од најстарите до најмладите. Тоа е основна егзистенција на жителите. Но од понеделник тие ќе се судрат со проблем на пласман на останатите количини.

– Годинава имаме краток период на сериозен откуп. Тоа што се продаде, се продаде, а како ќе биде натаму, не се знае. Знаеме дека ќе царуваат прекупците, цената ќе падне, а има уште многу млад кромид да се продаде – велат производителите. Во наредниот период, до православниот Велигден и до Први мај, ќе очекуваат во селото да забрмчи камион, што ќе значи дека доаѓа откупувач кој им дава надеж дека остатокот од нивниот труд нема да пропадне.

ПЕТАР ПЕЧKОВ

Извор: dnevnik.mk

Check Also

„Денови на македонскиот мед 2015“

На улицата „Македонија“ во Скопје денеска ќе биде отворен фестивалот „Денови на македонскиот мед 2015“ …

7 comments

  1. 506137 891436Quite fascinating topic , thanks for posting . 269995

  2. 857253 440599you use a amazing weblog here! do you wish to earn some invite posts on my small weblog? 506900

  3. 517004 587953fantastic post, very informative. 482965

  4. 333384 731661Hey I was just looking at your web site in Firefox and the image at the top of the link cant show up properly. Just thought I would let you know. 329301

  5. 518280 302831I actually like reading via and I believe this site got some genuinely utilitarian stuff on it! . 658770

  6. 136691 268059This internet web page is genuinely a walk-through for all of the info you wanted about this and didnt know who to ask. Glimpse here, and youll surely discover it. 129407

  7. 69194 331805Oh my goodness! a fantastic post dude. Thanks Nevertheless My business is experiencing problem with ur rss . Dont know why Not able to sign up for it. Possibly there is any person obtaining identical rss difficulty? Anyone who knows kindly respond. Thnkx 971218

Leave a Reply

Your email address will not be published.