Почетна / Вести Македонија / Охрид го собори Гинисовиот рекорд за рибна чорба

Охрид го собори Гинисовиот рекорд за рибна чорба

Манифестациите поврзани со одбележувањето на Водици и верските празници Богојавление и Соборот на Свети Јован Крстител во Охрид оваа година беа заокружени со нов Гинисов рекорд на приготвени 3,3 тона рибна чорба.

 

– Гинисовиот рекорд е соборен, досегашниот рекорд изнесуваше 3.025 литри рибна чорба, а ние веќе имаме 3.300 литри. Чорбата е готова, се е регистрирано со видео-запис и сето ќе заверено на нотар. Спроведени се инструкциите од Гинис, така што очекуваме ништо друго освен потврда на соборениот рекорд, рече Љубен Арнаудов, претседател на Здружението за целосна афирмација на МПЦ „Богојавление“ што е организатор на световниот дел од празнувањето на Богојавление – Водици во Охрид.

Подготовките за чорбата и нејзиното приготвување ја спроведоа професори и ученици од средното угостителско училиште „Ванчо Питошески“ од Охрид, а потребните намирници ги обезбеди фирмата „Дасс инженеринг“. За подготовка на чорбата за Гинис беа употребени 500 килограми лосос, 200 килограми ослиќ и 150 килограми калифорниска пастрмка, како и 140 килограми морков, 50 килограми целер, 20 килограми пашканат, 110 литри масло, 100 килограми брашно за запршката, 200 врзалки магдонос и 20 килограми зачин и сол.

Блаже Јорданоски, професор по готварство од „Ванчо Питошески“, инаку главниот готвач што ја подготви рибната чорба, рече дека подготовките за приготвувањето на рибната чорба започнале уште пред еден месец, за самото приготвување да почне од петокот, со чистењето на рибата и зеленчукот. Сето тоа финализира со 11 илјади порции рибна чорба, сварена на дрво, за што се потрошени четири метри кубни дрво.

Сандре Трповски, сопственикот на „Дасс инженеринг“ кој ги обезбеди сите состојки потребни за чорбата за Гинис, ги повика сите граѓани на Охрид и на цела Македонија да се вклучат во оваа манифестација, за истата догодина да биде уште повеличенствена.

– Доколку овој наш рекорд биде соборен, ние догодина повторно ќе собереме екипа за да го собориме, рече тој.

Инаку, празникот Собор на Свети Јован Крстител и оваа година во Охрид беше прославен со атракцијата на традиционалното капење на рибарите во водите на Охридското Езеро, како продолжение на веќе воспоставената традиција на тој начин да се одбележува завршувањето на забраната за риболов после зимскиот мрест на рибата.

Доследен на ветувањата  остана и поранешниот амбасадор на ЕУ во Македонија, Ерван Фуере, кој при неговото заминување оттука најави дека секогаш кога ќе биде во можност за Водици ќе биде тука во Охрид, и меѓу оние што ќе се капат на Денот на рибарите.

– Ова е една прекрасна традиција. Токму традициите спроведени од народот, од локалната заедница се работите што ја издвојуваат Македонија. Навистина треба да им се оддаде признание на организаторите за сите активности што од година во година ги преземаат за унапредување на оваа величенствена манифестација, рече тој.

Прославувањето на Богојавление – Водици и фрлањето на крстот во езерото во Охрид има долгогодишна традиција, последните десетина години популаризирана преку Здружението на граѓани за афирмација на МПЦ „Богојавление“ кое преку редица активности се обидува манифестацијата на фрлањето на крстот и Денот на рибарите да ја претвори во најмасовна во православниот свет.

Извор: http://kurir.mk/republika/opstini/100200-Ohrid-go-sobori-Ginisoviot-rekord-za-ribna-corba

Check Also

„Денови на македонскиот мед 2015“

На улицата „Македонија“ во Скопје денеска ќе биде отворен фестивалот „Денови на македонскиот мед 2015“ …

5 comments

  1. 386473 961912Excellent read, I just passed this onto a colleague who was doing slightly research on that. And he really bought me lunch as I discovered it for him smile So let me rephrase that: Thank you for lunch! 309142

  2. 149809 989478quite good post, i definitely really like this website, keep on it 300330

  3. 791303 282270Id should talk to you here. Which is not some thing I do! I quite like reading a post which will make men and women believe. Also, many thanks permitting me to comment! 147202

  4. 808401 409673Some truly nice and utilitarian information on this web web site , likewise I believe the design and style holds amazing attributes. 429626

  5. 432119 161543I feel your suggestion would be helpful for me. I will let you know if its work for me too. Thank you for sharing this beautiful articles. thanks a lot 836242

Leave a Reply

Your email address will not be published.