Почетна / Вести Македонија / Лозарите бараат два денари повисока откупна цена на грозјето

Лозарите бараат два денари повисока откупна цена на грозјето

Како резултат на поголемиот квалитет на грозјето кое се очекува годинава и поголемата побарувачка и од домашните винарски визби и за извоз, лозарите ќе побараат 14 денари за килограм вранец и 12 денари за килограм смедеревка.

За два денари поголема откупна цена годинава ќе бараат лозарите за предаденото грозје. Како резултат на поголемиот квалитет на грозјето кое се очекува годинава и поголемата побарувачка и од домашните винарски визби и за извоз лозарите ќе побараат 14 денари за килограм вранец и 12 денари за килограм смедеревка. На месец и пол пред почетокот на бербата очекуваат добра реколта.
– Оваа година ќе бараме два денари повисока откупна цена на грозјето. За вранецот 14 денари од килограм, а за смедеревката 12 денари, со што ќе ги постигнеме откупните цени од 2006 година. Родот на грозјето годинава е добар, а и квалитетот, се надевам ќе не послужат временските услови до почетокот на бербата – вели Љупчо Аризанов, претседател на регионалниот сојуз Агротиквешија.

Според него, лозарите веќе иницирале до Министерството за земјоделство средба со винарските визби за да почнат преговорите за годинешната откупна цена.
– Побарувачката на винско грозје расте секоја година и кај домашните винарии и за извоз, и затоа очекуваме да порасне и откупната цена. Винарските визби се празни. Лани беа извезени 25 милиони литри винско грозје, оваа година очекуваме дека ќе достигне до 30 милиони литри – потенцира Аризанов и додава дека не очекува проблем со откупот, со оглед на тоа што четири винарски визби, меѓу кои и на еден поголем откупувач на грозје им беа одземени лиценците поради неплатено грозје.

Марија Митева, генерален директор на винарската визба “Сковин” и претседател на здружението за винарство при Стопанската комора на Македонија, се согласува дека годинава ќе имаме многу поквалитетно грозје, на сметка на квантитетот.
– Квалитетот е добар, имаше врнежи, добри се временските услови. Очекувам годинава да биде иста како лани во делот на родот. За откупната цена се уште е рано да се планира, бидејќи таа зависи од побарувачката на странските пазари, како за наливно вино, така и кај флашираното – вели Митева.

Таа очекува четирите винарски визби на кои им беа одземени лиценците, до почетокот на бербата да ги исплатат лозарите и да можат да откупуваат, со што не би се направиле поголеми проблеми во откупот годинава.

Од Министерството за земјоделство, потврдуваат дека четири винарски визби немаат лиценци за работа, поради неплатени обврски кон лозарите. Винариите можат да си ги вратат лиценците, односно повторно да бидат впишани во Регистарот на производители откако ќе ги подмират своите долгови кон земјоделците.

Според пресметките на здруженијата на лозари, годинава ќе има зголемено производство во однос на минатата година и тоа 200 милиони килограми грозје. Субвенциите за лозарите се два денари по килограм, а субвенции се исплаќаат и за подигање нови лозови насади.
Минатата година откупната цена за килограм вранец изнесуваше 12 денари, додека смедеревката се откупуваше за 10 денари, ако лозарите сами го достават грозјето во винарските визби. Според винскиот катастар, во Македонија грозје се произведува на површина од 24 илјади хектари. Годишно производството на грозје изнесува од 235 илјади тони до 250 илјади тони од коишто околу 45 до 50 илјади тони отпаѓа на трпезното грозје, а останата количина е винско грозје.

Извор: vecer.com.mk

Check Also

„Денови на македонскиот мед 2015“

На улицата „Македонија“ во Скопје денеска ќе биде отворен фестивалот „Денови на македонскиот мед 2015“ …

6 comments

  1. 655755 643660Wow, incredible weblog structure! How lengthy have you ever been blogging for? you created running a weblog look easy. The full look of your internet site is wonderful, properly the content material! 784267

  2. 282593 217537Glad to be one of numerous visitants on this awesome web site : D. 974078

  3. 2378 134878Hey There. I discovered your blog employing msn. That is a extremely smartly written write-up. I will make positive to bookmark it and come back to read much more of your useful information. Thanks for the post. I will surely return. 356927

  4. 368690 139690Completely pent topic matter, regards for entropy. 856029

  5. 658903 29327This really is such a terrific resource that youre offering and you supply out at no cost. I appreciate seeing internet sites that realize the worth of offering a perfect useful resource completely totally free. I genuinely loved reading your submit. 840416

  6. 657418 501750Hello! I just wish to give an enormous thumbs up for the very good information you might have proper here on this post. I can be coming once more to your weblog for much more soon. 721994

Leave a Reply

Your email address will not be published.