Почетна / Вести Македонија / Извозот на македонски земјоделски преработки урива рекорди

Извозот на македонски земјоделски преработки урива рекорди

И покрај светската економска криза, македонското земјоделство и преработувачката индустрија во делот на извозот продолжуваат да остваруваат рекордно високи резултати, истакна заменик-министерот за земјоделство, Зоран Коњановски по средбата со членовите на Здружението на преработувачи на овошје и зеленчук – МАП.

– Во 2010 извозот беше рекорден со реализирани 424 милиони евра, лани изнесуваше 469 милиони, а годинава заклучно со септември достигна 350 милиони евра. До крајот на 2012 очекуваме да се постигне нов рекорд во овој сегмент – нагласи Коњановски.

Истовремено, посочи тој, се зголемува и извозот на преработки од овошје и зеленчук, од 11,6 милиони долари во 2001 на 45,4 милиони во 2011. Во 2001 година беа произведени 21.000 тони преработки на овошје и зеленчук, а во 2011 вкупно 53.000 тони.
– Радува фактот дека компаниите ја финализираат 2012 година со уште подобри резултати. Тоа е дополнителен предизвик за нас, да продолжиме со заедничка работа, со поддршката на оваа гранка и изработката на маркетинг стратегиите. Само така можеме да се движиме во вистинска насока – потенцира заменик министерот.

Тој најави интензивни обуки за земјоделците со цел обезбедување поголем квалитет и повисоки стандарди. Воедно апелираше преработувачите да го поттикнуваат договорното производство зашто тоа е начинот за постигнување конкурентност.
– Имаме со што да се пофалиме на странскиот пазар и таа можност треба да ја искористиме. Преку дијалогот што го воспоставуваме меѓу производителите и откупувачите, инвеститорите и институциите, учествуваме во градењето на модерно земјоделство, рече Коњановски.
Осврнувајќи се на владината поддршка, тој потсети на поволните кредитни линии за преработувачите, 500.000 евра со камата три отсто, како и на дополнително воведените 1,5 и 2,5 денари за градинарските култури предадени во преработувачките капацитети и двата денара за килограм предадено овошје. Идната година, подвлече, продолжува и поддршката за учество на меѓународните саемски манифестации.

Преработувачите потврдија дека во време кога индустриското производство опаѓа поради кризата, тие во континуитет бележат позитивни резултати.
– Во однос на производството ова е рекордна година. Времето се погоди, минатиот месец преовладуваше топло време, имаше доволно суровина. И извозните резултати се подобри од лани. Во следната, 2013 година, не очекуваме поголеми проблеми. Сепак, останува да видиме како ќе биде организиран извозот и со кои пречки ќе се соочиме – изјави Сашо Ристески од МАП.
Според него, домашните производи генерално ги задоволуваат основните стандарди за безбедност и квалитет диктирани од ЕУ. Стандардите, пак, што ги наметнуваат големите приватни маркети во Западна Европа, се предност и истовремено закана за македонските производи. Но, ако еднаш се постигнат, отвораат огромен пазар.

Извор: http://vecer.com.mk/?ItemID=DDAE02B63404834DB8A97BE812C75FB7

Check Also

„Денови на македонскиот мед 2015“

На улицата „Македонија“ во Скопје денеска ќе биде отворен фестивалот „Денови на македонскиот мед 2015“ …

6 comments

  1. 326694 244082Great info many thanks sharing and reaching us your subscriber list. 76987

  2. 168508 365877I like this site so much, saved to favorites . 893258

  3. 806851 794103extremely nice put up, i undoubtedly enjoy this internet internet site, maintain on it 673712

  4. 393047 922763An really intriguing examine, I may not agree completely, but you do make some quite legitimate factors. 926623

  5. 572853 99377whoah this blog is magnificent i adore reading your posts. Maintain up the excellent function! You know, lots of people are looking about for this info, you can aid them greatly. 829329

  6. 815650 292440But, what about the bottom line? Are you sure in regards to the source? 817659

Leave a Reply

Your email address will not be published.