Почетна / Вести Македонија / Имаме услови пилешко да произведуваме, но не знаеме како

Имаме услови пилешко да произведуваме, но не знаеме како

Производството на пилешко месо е интегриран ланец и е многу сличен на производството на автомобили. За да се добие квалитетен производ потребни се многу добавувачи коишто треба да се поврзат во еден ланец, но, за жал, кај нас нема соработка меѓу сите нив. Големо влијание има и немањето на обртни средства што го прави овој бизнис речиси невозможен во Македонија, вели професорот Драгослав Коцевски.

Додека во светот и во Европа расте производството на пилешко месо, во Македонија речиси и го нема, па македонскиот купувач за да ги задоволи своите потреби од овој вид месо се снабдува од маркетите со увозно свежо или смрзнато.

Статистичките податоци го потврдуваат тоа. Според Државниот завод за статистика лани во земјава биле произведени 20.856 тони месо, од кои само 1.801 тон отпаѓа на живинско месо или, околу 300.000 пилиња годишно, наместо еден милион како пред 7 години. И ова производство од домашни капацитети, како што вели вонредниот професор на Факултетот за земјоделски науки и храна од Скопје, Драгослав Коцевски, се продава на фабриките во Босна и Херцеговина за правење паштети. 
– Производството на пилешко месо е интегриран ланец и е многу сличен на производството на автомобили. Значи, за да се добие квалитетен производ се потребни многу добавувачи што треба да се поврзат во еден ланец, но, за жал, кај нас нема соработка меѓу сите нив. Големо влијание има и немањето на обртни средства што го прави овој бизнис речиси невозможен во Македонија – вели Коцевски.

Живинското месо се јаде ширум светот, а потрошувачката секојдневно расте. Причините за порастот се релативно ниските трошоци на производство, брзината на гоењето (брз обрт на капиталот), високата нутритивна вредност на месото, огромен број на производи од живинско месо, релативно ниска продажна цена, како и тоа дека квалитативните карактеристики на живинското месо се компатибилни со современите начини на исхрана на луѓето.

Коцевски вели дека тоа го покажуваат и статистичките податоци. Во 2006 година побарувачката по пилешко месо во земјава изнесувала 26.445 тони, а во 2012 година достигна 36.865 тони. Но, во 2006 година сме имале 3.715 тони домашно производство на пилешко месо и увоз на 22.783 тони, а во 2012 година има опаѓање на производството на 1.945 тони и раст на увозот на 35.000 тони живинско месо од кое најголем процент е во смрзната состојба и многу малку во свежа. Заклучно со 5 декември лани, пак, увезени се 3.553 тони повеќе живинско месо во споредба со 2012 година, а најголеми количини се увезени од Бразил, Германија, Холандија, потоа од Грција, Белгија и од Романија. За годинава се очекува бројката да биде уште поголема.

Токму силната конкуренција од надвор, покрај скапата храна за одгледување живина, им е голем проблем на домашната индустрија. Увозниците од земјава го зголемуваат увозот на пилешко, бидејќи е многу поевтино од јунешкото чија цена на светските берзи драматично скок(н)а во последниве месеци, поради што граѓаните ја зголемија побарувачката по пилешко. Се очекува и глобалната побарувачка забрзано да расте. За периодот 2013-2022 година се очекува да остане најбрзо растечки прехранбен сектор во смисол на производство.

Според познавачите на бизнисот, производството на пилешко месо може да биде многу профитабилно. Европската живинарска индустрија вработува над 302.000 луѓе и има годишен промет од 30 милијарди евра и на тој начин е една од најважните стопански гранки во Европа. Нашите производители велат дека ќе може да работат профитабилно само ако функционираат нормални услови во економијата, каде што нема проблеми со наплатата и нелојалната конкуренција од странство. Важен фактор е и животниот стандард, затоа што најголем процент од граѓаните купуваат смрзнато пилешко бидејќи е поевтино, без оглед на неговото потекло. Токму тоа беше причина словенечкиот производител Перутнина Птуј во пет држави од Југоисточна Европа (Македонија, Косово, Црна Гора, Србија и Босна и Херцеговина) да започне со 3-годишен информативен проект на ЕУ и Република Словенија со наслов “Квалитетно, безбедно, следено – живинско месо со потекло од ЕУ”, каде ќе ги информира потрошувачите за вертикално интегрираниот систем на производство во европската живинарска индустрија кој обезбедува на трпезата на потрошувачите во ЕУ да стигне само квалитетно и безбедно живинско месо. 

Потрошувачка на живинско месо во Европа
Према податоците на Организацијата за храна и земјоделие на ОН, ФАО, помеѓу 2000 и 2009 година просечната потрошувачка на живинско месо по глава на жител пораснала побрзо во Европа отколку во било кој друг регион. Според податоците, потрошувачката на живинско месо се зголемила од 16 килограми по жител годишно на готово 22 килограми во 2009 година во земјите од ЕУ, додека во земјите надвор од Унијата, потрошувачката се зголемила од 19,8 на 22,2 килограми по жител. Денес живинското месо е втор најважен вид на месо во Европската унија и европското годишно производство изнесува околу 11 милиони тони.
Според податоците на ФАО, во 2009 година Македонецот изел 17,3 килограми пилешко (во 2012 г. изел 18,2 килограми), Босанецот 11,5 килограми, Србинот и Црногорецот по околу 8 килограми.

Извор: vecer.com.mk

 

Check Also

„Денови на македонскиот мед 2015“

На улицата „Македонија“ во Скопје денеска ќе биде отворен фестивалот „Денови на македонскиот мед 2015“ …

7 comments

  1. 806835 646311Im agitated all these article directories. It positive would be good to have every article directory that instantly accepts articles. 990775

  2. 143755 558081For anybody who is interested in enviromentally friendly points, may well possibly surprise for you the crooks to maintain in mind that and earn under a holder just because kind dissolved acquire various liters to important oil to make. day-to-day deal livingsocial discount baltimore washington 935349

  3. 368519 364889Thank you for the auspicious writeup. It in reality was a amusement account it. Look complicated to far delivered agreeable from you! Nevertheless, how can we keep in touch? 565758

  4. 6455 372735I like this blog so much, saved to my bookmarks . 578691

  5. 933423 325989Low-cost Gucci Handbags Is usually blogengine a lot greater than wp for reasons unknown? Should be which is turning out to be popluar today. 229466

  6. 69821 802256Great blog! Is your theme custom made or did you download it from somewhere? A design like yours with a few simple tweeks would really make my blog stand out. Please let me know where you got your design. Thanks a lot 893153

  7. 748152 408761Glad to be 1 of several visitants on this awful site : D. 253076

Leave a Reply

Your email address will not be published.