Почетна / Вести Македонија / „Џумајлија“ во ликвидација?

„Џумајлија“ во ликвидација?

Ликвидација или реорганизација за најголемиот светиниколски комбинат „Џумајлија“ – ќе се знае за десетина дена. Извори за „Дневник“ велат дека ликвидацијата е единствена опција бидејќи во комбинатот не останало ништо за реорганизација.

Долгот на фирмата е околу 10 милиони евра, а доверителите во изминатиот период распродале речиси с` што било вредно. Во меѓувреме Министерството за земјоделство објави јавен повик за давање под закуп на 5.353 хектари државно земјоделско земјиште во регионот Свети Николе, кое порано го користеше „Џумајлија“. Планирано е да го добие еден корисник, а со бизнис-план дополнително ќе се утврдува што ќе се одгледува.

Во комбинатот велат дека очекуваат за кратко време да се одржи двапати одложеното извештајно собрание за агрокомбинатот на кое дефинитивно треба да се реши судбината на некогашниот гигант кој од пред пет месеци е во стечај.

– На извештајното собрание ќе се знае точно колку доверители се пријавиле, колку од долговите се пријавени, а колку признаени. Од имотот на „Џумајлија“ останаа само неколку магацини и три сточарски фарми, но без добиток – вели стечајната управничка Владица Ивановска.

Извори од комбинатот велат дека пред да се отвори стечајот, доверителите го зеле или го продале речиси целиот имот, како мелницата, пекарницата, винарската визба, управната зграда и најголемиот дел од механизацијата. По стечајот, преостанатите 180 вработени во „Џумајлија“ се пријавени во Агенцијата за вработување и примаат стечаен надоместок, а во моментот се ангажирани 20-ина, главно од администрацијата и од обезбедувањето.

Стечајните работници се надеваат дека индустриските капацитети повторно ќе бидат ставени во функција од новите сопственици и оти во нив ќе има место за досегашните вработени. Со нетрпение очекуваат и каков ќе биде епилогот од распишаниот јавен повик од Министерството за земјоделство за давање под закуп на земјиштето што го стопанисуваше „Џумајлија“, но лани, поради неплатена закупнина, ја загуби концесијата. Во исто време, поради ненамирени долгови кон производителите, беше загубена и дозволата за откуп на грозје, а случајот „Џумајлија“ дефинитивно изби на виделина пред точно една година, кога беше откриено дека од нејзините магацини исчезнало жито во вредност од 1,4 милион евра, по што директорот и доминантен сопственик Зоран Даневски, избега во Бугарија. На речиси сите 5.353 хектари што ги стопанисуваше агрокомбинатот се сееја житни култури, со исклучок на 150, кои беа под луцерка и 400 со лозови насади, кои и сега се одржуваат. За жал, површините и оваа есен ќе останат непосеани.

– Голема штета е што тие големи површини и оваа есен, како и ланската, нема да бидат посеани. Сепак, се надеваме дека огласот на Министерството ќе биде успешен, оти земјата ќе ја добијат успешни фирми, кои веќе напролет ќе ја посеат и ќе обезбедат работа и за нас, досегашните вработени, но и за нови работници – вели Владо Миланов, долгогодишен работник во „Џумајлија“.

Валентина Ангеловска
ЉупЧо Шатевски

 

Kомбинатите во Овче Поле вработуваа 6.000 луѓе

До пред една и пол деценија поголем дел од обработливото земјиште во Овчеполието, односно повеќе од 30.000 хектари, им припаѓаше на големите агроиндустриски комбинати „Овче Поле“ од Свети Николе и „Црвена ѕвезда“ од Штип, кои вработуваа речиси 6.000 луѓе. Пред пропаѓањето, „Овче Поле“ имаше 3.000 работници и 18.000 хектари земја, а во негов состав работеше и „Џумајлија“.

Извор: http://dnevnik.mk/?ItemID=06B94F039981514DAA4AADBF1C5102F1

Check Also

„Денови на македонскиот мед 2015“

На улицата „Македонија“ во Скопје денеска ќе биде отворен фестивалот „Денови на македонскиот мед 2015“ …

4 comments

  1. You’ll find definitely a lot of details like that to take into consideration. That is an excellent point to bring up. I offer you the thoughts above as general inspiration but clearly you can find questions like the 1 you bring up where by far the most vital factor is going to be operating in honest excellent faith. I don?t know if finest practices have emerged about points like that, but I am certain that your job is clearly identified as a fair game. Each boys and girls feel the impact of just a moment’s pleasure, for the rest of their lives.

  2. Hi there, I am so excited I found this blog, I actually encountered you by error, when I was researching on Digg for Arvind Pandit. Anyhow I am here right now and would really like to say thanks a lot for a remarkable article and the all around fun site (I too like the design), I do not have sufficient time to look over it entirely at the minute yet I have bookmarked it and even added in the RSS feed, so once I have plenty of time I will be returning to look over much more. Make sure you do keep up the amazing job.

  3. You are entirely right! I enjoyed reading through this article and I will certainly return for more as quickly as possible. My site is on kmspico windows 8.1, you could take a look if you’re still interested in this.

  4. Howdy. I just saw this site and I truly love it. I always like to discuss thailand lottery paper occasionally. Good to be here, thanks a lot!

Leave a Reply

Your email address will not be published.