Почетна / Вести Македонија / Без банкарска гаранција, нема државни ниви

Без банкарска гаранција, нема државни ниви

Оној што ќе понуди највисока закупнина, ќе ја добие државната нива. Мора да е регистриран земјоделец или да има фирма, а ако фирмата пропадне или земјоделецот престане да се занимава само со земјоделство, договорот му се прекинува.

Ова е само дел од измените на Законот за земјоделското земјиште, кој е во собраниска процедура, чија цел е да се надминат досегашните проблеми со издавањето под закуп државно земјиште, како што се неплатена закупнина, подигање едногодишни насади наместо повеќегодишни, немање елаборат и бизнис-план и слично. Според официјалните податоци, околу 48 отсто од вкупната површина на Македониј се земјоделското земјиште или околу 1 милион хектари. Од нив една третина или 521.000 ха се смета за обработливо. Државата поседува околу 20 отсто од обработливото земјоделско земјиште, односно околу 200.000 хектари. Со предложените измени на законот кандидатите во иднина ќе мора да достават банкарски гаранции во постапката на јавниот повик.

– Банкарската гаранција е всушност доказ дека понудената годишна закупнина од страна на избраниот најповолен понудувач ќе се реализира, односно дека закупнината навремено ќе се плаќа. Исто така со законот се предвидува во постапката по јавен оглас за големината на површината што може да се даде под закуп, освен постојните критериуми, основа да биде и расположливиот број добиток што го има барателот. Се воведува и можноста корисниците на закуп, кои од различни причини се бришат од регистарот на вршители на земјоделска дејност да можат да го пренесат корисничкото право на друг член на семејството под истите услови како во договорот, кој престанал да важи – велат во Министерството за земјоделство.

Заклучно со 2012 година, Министерството има склучено 6.712 договори за закуп на земјоделско земјиште во државна сопственост за површина од околу 109.467 хектари. Дадените податоци не се однесуваат за постапката водена по објавените јавни огласи и јавни повици, а за кои поради распишаните избори не се склучени договори за закуп.

Надзор во спроведувањето на одредбите од законот и договорот ќе го врши Државниот инспекторат за земјоделство, а ако тој констатира состојби спротивни на законот и договорот, ќе го известува Министерството, при што договорот еднострано и целосно ќе биде раскинат.

– Во изминатиот период од Државниот инспекторат за земјоделство не се доставени предлози за раскинување договори за закуп по оваа основа, но истиот поднесувал пријави кон приватни лица што бесправно користат државно земјоделско земјиште – велат во Министерството.

Оттаму објаснуваат дека огласувањето државна земја ќе трае с` додека не се издаде и последното парче, кое може да се обработува. Според нив, од вкупното обработливо земјиште, најголем процент се ораници и бавчи или 424.000 ха, овоштарници 14.000 ха, лозја 22.000 ха и ливади 61.000 ха. Околу 51 отсто или 541,000 ха од вкупното земјоделско земјиште се пасишта.

Во Сојузот на земјоделци официјално велат дека нивни членови досега не ја злоупотребиле државната земја. Неофицијално објаснуваат дека имаат сознанија за ненавремено плаќање на закупнината и неинвестирање во бизнис-план.

– Никој од нашите членови не зема земја за потоа да не ја обработува или само за да земе субвенции. Kиријата е голема и ако не се обработува земјата, нема од што да се плати. Можно е да има и такви случаи, но до нас не стигнале тие информации – велат во Сојузот.

Земјиштето за обичните земјоделци се доделува со посебен начин на бодирање. Околу 60 отсто од бодовите се добиваат по местото на живеење, а четириесет по цената што ја нудат за закуп.

– За правните лица критериумите се построги и треба да имаат бизнис-план, цена на закупот, број на вработените лица во фирмата и други критериуми. Но за сметка на тоа тие добиваат поголеми парцели – објаснуваат експертите.

Извор: dnevnik.mk

Check Also

„Денови на македонскиот мед 2015“

На улицата „Македонија“ во Скопје денеска ќе биде отворен фестивалот „Денови на македонскиот мед 2015“ …

6 comments

  1. 679056 254122Thanks for the post. I like your writing style – Im trying to start a blog myself, I think I may well read thru all your posts for some suggestions! Thanks once more. 477459

  2. 53923 434679Hey really good blog!! Man .. Beautiful .. Amazing .. I will bookmark your web site and take the feeds alsoIm satisfied to seek out numerous valuable information here within the post, we need develop much more techniques on this regard, thanks for sharing. 801667

  3. 527077 463803Watch the strategies presented continue reading to discover and just listen how to carry out this amazing like you organize your company at the moment. educational 289088

  4. 24795 293221Wow! This could be 1 particular of the most valuable blogs Weve ever arrive across on this topic. Basically Outstanding. Im also an expert in this topic therefore I can understand your effort. 652932

  5. 420927 138887its fantastic as your other articles : D, regards for posting . 889834

  6. 996034 520387Really very good post, thanks a good deal for sharing. Do you happen to have an RSS feed I can subscribe to? 98063

Leave a Reply

Your email address will not be published.